តើ ភៀលដោយទឹកថ្នាំគឺជាអ្វី?
ភៀលដោយទឹកថ្នាំសំដៅលើការប្រើសារធាតុគីមីមួយឬច្រើនទៅលើស្បែកដែល ជម្រុះ កោសិកាខូច ធ្វើឱ្យស្បែកល្អឡើងវិញ។
ភៀលដោយទឹកថ្នាំសំខាន់ៗចំនួនបីគឺ ភៀលដោយអាស៊ីតអាល់ហ្វា-អ៊ីដ្រូកស៊ី ភៀលដោយអាស៊ីតទ្រីក្លូរ៉ូអាសេទិក និងភៀលដោយប្រេងហ្វីណុល-ក្រូតុន។
តើភៀលដំណើរការយ៉ាងដូចម្តេច?
ភៀលអាចយកស្រទាប់ជាច្រើននៃកោសិកាស្បែកដែលត្រូវបានបំផ្លាញដោយពន្លឺថ្ងៃចេញដោយបន្សល់ទុកនូវស្បែកស្រស់ស្អាតដែលមានផ្ទៃនិងពណ៌កាន់តែល្អ។ វាអាចជំរុញ កូឡាជែនថ្មី ដែលធ្វើឱ្យសភាពស្បែកល្អជាងមុន។ ភៀលអាចបណ្តាលឱ្យមានរបួសលើស្បែក នៅជម្រៅមធ្យម ឬនៅជម្រៅជ្រៅ។
តើភៀលដោយទឹកថ្នាំគួរធ្វើឡើងនៅពេលណា?
ភៀលដោយទឹកថ្នាំត្រូវបានគេប្រើញឹកញាប់បំផុតលើមុខ ប៉ុន្តែពេលខ្លះគេប្រើលើកន្លែងផ្សេងទៀតផងដែរដូចជា ករ ដៃ ខ្នង។
ភៀលដោយទឹកថ្នាំអាចត្រូវបានគេប្រើដើម្បីព្យាបាលការខូចខាតដែលបណ្តាលមកពីការប៉ះពាល់នឹងព្រះអាទិត្យ រួមទាំង បញ្ហារផ្សេងទៀតផងដែរ ដើម្បីព្យាបាលស្នាមខ្មៅ ស្បែកស្រអាប់ និង កាត់បន្ថយ ស្នាមជ្រួញ និងជួយក្នុងការព្យាបាលមុនផងដែរ។
ភៀលដោយទឹកថ្នាំអាចត្រូវបានច្រើនដងតាមការចាំបាច់; អ្នកខ្លះភៀលក្នុងកំរិតស្រាស(ស្រទាប់ក្រៅបង្អស់នៃស្បែក) រៀងរាល់ពីរបីសប្តាហ៍។ វាជាការល្អក្នុងការរក្សាកំលាតពី 3 ទៅ 6 ខែ សំរាប់ការភៀលកំរិតមធ្យម និងកំរិតជ្រៅ។
តើអ្វីលក្ខ័ណអ្វីដែលមិនគួរភៀលដោយទឹកថ្នាំ?
អ្នកដែលមានប្រភេទស្បែក Fitzpatrick IV ដល់ VI ដែលជាប្រភេទស្បែកមានការកើនឡើងហានិភ័យធ្វើអោយមាន ភាពមិនប្រក្រតីនៃពណ៌ស្បែក និងស្លាកស្នាម keloid និង peels គីមីត្រូវតែត្រូវបានអនុវត្តដោយប្រុងប្រយ័ត្នជាមួយនឹងការយល់ព្រមអ្នកជំងឺពេញលេញពីផលអវិជ្ជមានដែលអាចកើតមានក្នុងប្រការណាមួយ។
ប្រភេទនៃភៀលដោយទឹកថ្នាំ
ភៀលកំរិតស្រាល
ភៀលកំរិតស្រាលគឺប្រើអាស៊ីត glycolic អាស៊ីត salicylic និង Jessner ដែលវាមិនប៉ះធ្ងន់ធ្ងរដល់ស្បែក។ វាជម្រុះ ស្រទាប់លើបំផុតនៃផ្ទៃស្បែក ដែលជួយកាត់បន្ថយ ស្នាមខ្មៅ និងបន្ថយភាពស្ងួតនៃស្បែក។ លទ្ធផលនៃភៀលកំរិតស្រាលដំបូងអាចនឹងមិនឃើញលទ្ធិផលភ្លាមៗ ប៉ុន្តែបន្ទាប់ពីធ្វើម្តងហើយម្តងទៀត នឹងទទួលបានលទ្ធិផល ដែលគួរអោយកត់សម្គាល់។
ភៀលកំរិតមធ្យម
អាស៊ីត Trichloroacetic (TCA) គឺជាសារធាតុគីមីដែលគេប្រើជាញឹកញាប់សម្រាប់ភៀលកោរិតមធ្យម។
លទ្ធផលអាស្រ័យលើកំហាប់របស់ទឹកថ្នាំ ជាធម្មតា 20-35% ។ ការព្យាបាលគឺឈឺចាប់ ហើយកន្លែងព្យាបាលគឺហើម ក្រហម និង ក្រហាយ។ វាអាចឃើញលទ្ធិផល ដ៏គួរឱ្យចាប់អារម្មណ៍ដោយបន្ថយ ស្នាមជាំ ស្នាមអាចម៍រុយ។ វាក៏ជួយកាត់បន្ថយស្នាមជ្រីវជ្រួញ និងស្នាមមុនផងដែរ។
ភៀលកំរិតជ្រៅ
Phenol ធ្វើឱ្យមានរបួសស្បែកជ្រៅ។ សព្វថ្ងៃវាកម្រត្រូវបានគេប្រើលើមុខណាស់ ដោយសារមានហានិភ័យអាចធ្វើអោយស្នាម ដែលបណ្តាលមកពី ជាតិពុល របស់វា។ ការស្រូបយកសារធាតុ phenol តាមរយៈស្បែក នាំឱ្យមានការរំខានដល់ចង្វាក់បេះដូង និង ការខូចខាត សរសៃប្រសាទ។ ទោះជាយ៉ាងណាក៏ដោយ វាមានប្រសិទ្ធភាពខ្ពស់ក្នុងការកែលម្អទាំងស្នាមជ្រួញ និងស្នាមប្រហោងជ្រៅ។
ដំណាក់កាលនៃការព្យាបាលដោយភៀលដោយប្រើទឹកថ្នាំ
ភៀលដោយទឹកថ្នាំមានបួនជំហាន៖
- ការរៀបចំមុនភៀល
- ដំណើរការភៀល
- ដំណាក់កាលនៃការជាពីការភៀល
- ដំណាក់កាលថែទាំ។
ការអនុវត្តភៀលដោយទឹកថ្នាំតម្រូវឱ្យមានចំណេះដឹងហ្មត់ចត់អំពីសម្ភស្ស រួមទាំងការព្យាបាលផ្នែកវេជ្ជសាស្រ្ដ។
កំណត់ថាតើភៀលត្រូវធ្វើដោយកន្លែង ឫ ញេញផ្ទៃមុខ។ អនុវត្តការចាត់ថ្នាក់មុនពេលធ្វើភៀល។
ភៀកំរិតស្រាលត្រូវបានអនុវត្តចំពោះស្បែកចខ្មៅដោយសារតែហានិភ័យធ្វើអោយស្បែកខ្នៅក្រោយការរលាក
បទពិសោធន៍ដែលធ្លាប់ភៀលពីមុន
ទំនោរនៃ ការវិវត្តន៍នៃស្បែក
ក្រែមត្រូវបានលាបលើមុខនៅពេលយប់រយៈពេលជាច្រើនសប្តាហ៍មុនពេលភៀល។ វាជួយធ្វើអោយប្រសើរឡើងនូវលទ្ធផលដែលឃើញពីការភៀល។
វាក៏អាចទទួលបានលទ្ធិផលឆាប់រហ័សជាងមុន។ ជាធម្មតា គេប្រើក្រែមមួយ ឬច្រើនដូចខាងក្រោម៖
- Tretinoin
- Alpha Hydroxy Acid e.g. glycolic or lactic acid
- Hydroquinone ចំពោះអ្នកមានស្នាមខ្មៅឫជាំត្រូវប្រើ ក្រែមការពារកំដៅថ្ងៃ យ៉ាងហោចណាស់ SPF 50+
ដំណើរការនែការភៀល
ការភៀលកំរិតស្រាលគឺ គឺមិនចាំបាច់មានការរៀបចំពិសេសទេ។ ប៉ុន្តែអ្នកប្រហែលជាត្រូវការថ្នាំបំបាត់ការឈឺចាប់ ថ្នាំធ្វើអោយអារម្មណ៏ស្ងប់ ការ ថ្នាំស្ពឹក ឫ ថ្នាំសន្តំ សម្រាប់ការភៀលកាន់តែជ្រៅ។
ជាដំបូង លាងសម្អាតផ្ទៃមុខឱ្យបានស្អាត។ បន្ទាប់មកលាបទឺកថ្នាំភៀល រួចទុក្ខរយៈពេលកំណត់មួយទៅតាមស្បែក។ រយៈពេលវាអាស្រ័យលើសារធាតុទឹកថ្នាំ នឹងលើកំហាប់ របស់វា។ បន្ទាប់មកភៀលត្រូវបានបន្សាប ហើយអារម្មណ៍ឈឺនឹងថយចុះ។
ថ្នាំអង់ទីប៊ីយោទិច និង ភ្នាក់ងារ ប្រឆាំងវីរុស អាចត្រូវបានគេណែនាំអោយប្រើបន្ទាប់ពីភៀលកំរិតជ្រៅ។
តើមានអ្វីកើតឡើងបន្ទាប់ពីភៀល?
ការភៀលកំរិតស្រាស ធ្វើឱ្យមុខឡើងក្រហមស្រាលៗ និងជួនកាលហើម ដែលជាធម្មតាវានឹងបាត់ទៅវិញក្នុងរយៈពេល 48 ម៉ោង។ មនុស្សភាគច្រើនអាចបន្តសកម្មភាពធម្មតារបស់ពួកគេ។ ការផាត់មុខអាចធ្វើបាន ក្រោយភៀលបាន ពីរ ទៅ បីម៉ោង។
ការភៀលកំរិតមធ្យម បណ្តាលឱ្យ មានការរលាកក្រហម និងហើមខ្លាំង ហើម ដែលជាធម្មតាវានឹងធូស្រាលទៅវិញក្នុងរយៈពេលមួយសប្តាហ៍។ ការឡើងក្រហមស្រាលៗនឹងអាច បន្តមាន ជាច្រើនសប្តាហ៍។ មនុស្សភាគច្រើនឈប់សម្រាកមួយសប្តាហ៍ពីការងារ បន្ទាប់ពីភៀលកំរិតធ្ងន់។
ថែរទាំក្រោយភៀល
ទុកស្បែកកន្លែងព្យាបាលឱ្យត្រជាក់ (ប្រើទឹក បាញ់ )។
កុំកេះការកេះអាចធ្វើអោយពន្យារពេលការជាសះ និងអាចបណ្តាលឱ្យមានស្លាកស្នាម
ប្រើក្រែមជួយអោយស្បែកមានសំណើម
ការពារពីព្រះអាទិត្យ ជាពិសេសសម្រាប់រយៈពេល 6 ខែដំបូង
ផលវិបាកដែលអាចមានក្រោយភៀល
ផលវិបាកគឺកម្រកើតមានណាស់ ប្រសិនបើអ្នកជំនាញដែបានទទួលការបណ្តុះបណ្តាល និងមានបទពិសោធន៍ត្រឹមត្រូវ។
រន្ធញើសស្ទះ) ឬ មុន អាចបណ្តាលមកពីការភៀល ឬពីការប្រើក្រែមរក្សាសំណើម បន្ទាប់ពីភៀល
ការឆ្លងមេរោគ ដោយសារ បាក់តេរី ឬវីរុស
ស្លាកស្នាមអាចបណ្តាលមកពីការឆ្លងមេរោគ ឬដោយសារការកេះ ហើយអាចកើតមានជាអចិន្ត្រៃយ៍
ស្បែកឡើងពណ៌ខ្នៅ ភាគច្រើនកើតចំពោះអ្នកដែលមានស្បែកខ្មៅ ឬអ្នកដែលមានបញ្ហាមុខមានស្នាមខ្មៅស្រាប់។ ដូច្នេះការពារពីពន្លឺ ព្រះអាទិត្យ ហើយប្រើក្រែមការពារពីពន្លឺព្រះអាទិត្យ។
ដំបូន្មានទូទៅ
ត្រូវអនុវត្តយ៉ាងភ្ជាប់ភ្ជួន នូវការណែនាំរបស់វេជ្ជបណ្ឌិត
ត្រួវពិគ្រោះជាមួយគ្រូពេទ្យរបស់អ្នកភ្លាមៗប្រសិនបើមានបញ្ហាណាមួយ ដើម្បីធ្វើការដោះស្រាយបានទាន់ពេលវេលា
ដុកទ័រ មានគោលបំណង ចែករំលែកចំណេះដឹងដែលមានទំនុកចិត្តខ្ពស់បំផុត ជូន ប្រជាជនខ្មែរ ដែលអាចយកទៅប្រើប្រាស់ជាប្រយោជន៏សំរាប់ការរស់នៅប្រចាំថ្ងៃ។
©2022 DOCTOR រក្សាសិទ្ធគ្រប់យ៉ាង។